જોઈએ એક બહાનું...

ખૂબ મોટું હોય કે હોય છેક નાનું,

જીવવા માટે જોઈએ એક બહાનું.

એમ તો દિલમાં હોય ચાર ભાગ,

અને ઉપરથી હોય એક ચોરખાનું.

ઘણી વાર હાર્યો છું હસતા રમતા,

રાખી હાથમાં  હુકમનું એક પાનું.

ચોર ચોર બૂમો પાડતો રહી ગયો,

ચોરી ગયું કોઈક સપનું છાનુંમાનું.

પડખાં ફેરવતા ઊં ઘ આવી જાય,

રાતભર જાગે છે  બિચારું બિછાનું.

મારી એમની નજર એ રીતે મળી,

ભાન બન્નેને નથી રહ્યું હવે દિશાનું.

હવે તારો ય વારો આવ્યો નટવર,

ઘણું બાકી  છે ઇશ્કમાં શીખવાનું.