થઈ જાય છે...

જ્યારે ધીસમાંથી ધેટ થઈ જાય છે,

ત્યારે આદમી અપસેટ થઈ જાય છે!

હું તો મળવા એને સમયસર પહોંચું,

શું કહું? એ હંમેશ લેટ થઈ જાય છે.

એના સ્પર્શવાથી દિલ દગો દઈ દેશે,

લય એની એક્સેલરેટ થઈ જાય છે.

સંબંધો આડા હોય ત્યાં સુધી સરસ,

બગડે જ્યારે એ સ્ટ્રેટ થઈ જાય છે.

જ્યારે જ્યારેય એનાં ખયાલ કરું હું,

ઇશ્ક અધિક ઍક્ટિવેટ થઈ જાય છે. 

મુકામ-એ- ઇશક છે જ એવો, યારા,

જ્યાં ઇશ્કી બહુ ડેસ્પરેટ થઈ જાય છે.

મળી જાય જેને હમસફર સર-એ-રાહ,

એની જિંદગીય સેલિબ્રેટ થઈ જાય છે.

બહુ સાચવીને બોલવું પડે છે નટવર,

આદમી અમસ્તો ઇરિટેટ થઈ જાય છે.