લેવી હોય તો લઈ લો તમે અહીં હર કોઈની તલાશી !!
હર કોઈ પાસે મળી આવશે એકાદ મનગમતી
ઉદાસી !!
નજર મળ્યા પછી દિલથી દિલ મળવા જરૂરી
છે સનમ!
પછી ભલે જિંદગીભર મળે ન મળે આપણા
બેઉની રાશિ!
ન કરું કદી હજ,ન મક્કા ન મદીના ન ચારધામની યાત્રા!
જ્યાં ચરણ પડ્યા તમારા ત્યાં જ મારા
મક્કા અને કાશી !
આ રાહ-એ-ઇશ્ક તમે માનો એવો સાવ આસન
નથી સનમ!
સમજો પગ લપસ્યો જ,ગફલત થઈ જાય કોઈની જરા સી !
દરિયો ઇશ્કનો ન ડૂબવા દે, ન તરવા દે, ન પાર કરવા દે!
દરિયો ઇશ્કનો ન ડૂબવા દે, ન તરવા દે, ન પાર કરવા દે!
પ્યાસ પ્રેમીની ન છિપાય કદી,જાણે પાણીમાં મીન પિયાસી.
સાત ભવનો સાથ નથી માંગતો,
ન માંગીશ કદી ય સનમ!
બસ આ જિંદગીમાં મારા મોત સુધી બનો
મારા સહપ્રવાસી.
મારા ઘરનો આઈનો ય સાવ નિખાલસ રહ્યો છે
મારી સાથે!
એણે કહી દીધું,
ચહેરો બદલ હવે થઈ ગયો છે સાવ વાસી.
મારી સાથે ન જાણે એવું ઘણી વાર થયા
રાખે યારા મારા!
જે સાથ તો હોય સદા તો ય એમની ખોટ લાગે
મને ખાસી!
આ તુફાની ભવસાગર પાર કરવા સાથ કોઈનો
મળે ન મળે!
લઈ હૈયાનાં હલેસા નટવર તારે બનવાનું
છે તારા ખલાસી!!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું