રાખું છું...

હૈયામાં હામ રાખું છું ને સાગરનું જામ રાખું છું !

હું છું જ એવો,બસ, કામ સાથે જ કામ રાખું છું !!

થતા થતા મશહૂર થઈ ગયો છું દુનિયામાં હું !

કેમકે, સાથ હું દોસ્ત થોડા બદનામ રાખું છું !!

છે ઇશ્ક મારો એટલી મહેરબાની ખુદાની યાર !

સનમ પાસે રાધા, સાથ મારી શ્યામ રાખું છું !!

ન માનો કે આવી પરદેશ ભૂલી ગયો વતનને !

મારા દિલના એક ખૂણામાં મારું ગામ રાખું છું !!

કરતો નથી કદી મંજિલની ફિકર સર-એ -રાહ !

કદમ તળે યારા, હું મારા હરેક મકામ રાખું છું !!

દિલથી સદા સાફ છું, ખુદ હું જ મારો ઇન્સાફ છું !

યારી હોય કે દુશ્મની, હું સર -એ-આમ રાખું છું !!

થોડાં દુઃખ, થોડાં સુખ, કેટલાંક આંસુ, થોડાં ગમ!

અમુક જખમ,તમુક મલમ, હું એ તમામ રાખું છું !!

લખતા લખતા જ નથી લખાતી ગઝલ નટવર !

લખું જે જે ગઝલ હું, એમાં મારું નામ રાખું છું !!