કેમ તમારી સાથે છે
અમને લગાવ, કારણ ન પૂછો!
સાથે છો ને તો ય છે
તમારો અભાવ, કારણ ન પૂછો!
તમે બદલતા રહ્યા એમ
જ બદલાતા રહ્યા અમે સદા!
તમે ન બદલી શક્યા
તમારો સ્વભાવ,કારણ ન પૂછો!
સાવ સસ્તામાં ભર
બજારે વેચાયા અમે હસતા હસતા!
કેમ તમે ન ચૂકવી
શક્યા અમારા ભાવ, કારણ ન પૂછો!
હારવાની તૈયારી
સાથે રમ્યા હતા બાજી - એ- ઇશ્ક!
તમે કરી અંચઈ,
જ્યારે આવ્યો દાવ,
કારણ ન પૂછો!
જ્યાં નજર કરીએ
ત્યાં નજર આવો છો તમે હર તરફ!
છે અમારા પર
કેમ તમારો પ્રભાવ, કારણ ન પૂછો!
હરદમ રહો તમે અમારા દિલમાં, વસ્યા હર શ્વાસમાં!
તમારો ક્યાંય નથી
કોઈ અલગ પડાવ, કારણ ન પૂછો!
એમ તો કંઈ ખાસ લખતા
નથી આવડ્યું આ નટવરને!
ને તમારા વિચાર કહે મને કલમ ઊઠાવ, કારણ ન પૂછો!!
ને તમારા વિચાર કહે મને કલમ ઊઠાવ, કારણ ન પૂછો!!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું