તબક્કો...

દરેકના જીવનમાં એક વાર તો આવે જ છે એવો તબક્કો !

ગમે એવો બાહોશ શખ્સ પણ ત્યારે થઈ જાય હક્કોબક્કો !!

મારાથી આગળ વધતા દોસ્તનો જરા ય ડર નથી લાગતો !

પાછળ છે એની બીક લાગે, ન જાણે ક્યારે મારે એ ધક્કો !!

માનો યા ન માનો દોસ્તો, પણ એ છે એક વરવી હકીકત !

હરેક શખ્સની અંદર ક્યાંક સંતાયેલ હોય છે એક ઉચક્કો !!

એમની પાસેથી જ શિખી રહ્યો છું હું પ્રેમથી પ્રેમની બારાખડી !

જેની આંગળી પકડી લખતા શીખવ્યો હતો મેં ઇશ્કનો કક્કો !!

આ કવિતા, આ ગઝલ કે નજમ લખવી તો સાવ સહેલી છે !

બસ લખી નથી શકાતો આસાનીથી કમબખ્ત ઇશ્કનો રુક્કો !!

હારવાનું કે જીતવાનું તમારા હાથમાં કે મારા હાથમાં ય નથી !

જ્યારે ભાવિ આપણું નક્કી કરવા ઊછાળવાનો હોય છે સિક્કો !!

પીઠ પાછળ મારી વાત કરતા તો તારું મોઢું ગંધાય છે દોસ્ત !

એના કરતા તો સારું કે તું મારી દે મારા મોઢા પર એક મુક્કો !!

શખ્સ જે ન માણે,ન તો એ જાણે શબ્દમાં લાગણીની રજૂઆત !

હોય ભલે એ રંગબેરંગી નટવર, અંદરથી હોય છે સાવ ફિક્કો !!