જ્યાં
જવાનું હોય ત્યાં જ તો બધાથી જવાતું નથી;
દુનિયામાં
કોણ છે એવું જે કદી પણ મુઝાતું નથી?
મારી
ખાલી આંખોમાં ઘણા હસીન ચહેરા વસ્યા છે;
પણ
સનમ,તારી
જેમ તો દિલમાં કોઈ સમાતું નથી.
ચહેરા પર હાસ્ય ચિપકાવીને ફરતા રહેવું પડે છે;
ચહેરા પર હાસ્ય ચિપકાવીને ફરતા રહેવું પડે છે;
સાલું, દિલ ખોલીને પહેલાં
જેવું હવે હસાતું નથી.
છેલ્લું
પાન હતું એ આજે ખરી ગયું પવનનાં ઝોકે;
સૂની
ડાળે પંખી બેઠું, એનાથી ગીત ગવાતું નથી.
બહુ
આગ્રહ કરતા મળવા આવે મને એ મનેકમને;
એ
આવે તો છે,પણ
ખુદને એની સાથે લવાતું નથી!
બસ
કર સાકી, આમ
નજરથી જામ ભરતા રહેવાનું!
જામ
મારું છે જ એવું, જે સહેલાઈથી છલકાતું નથી.
લાખ
લાખ લોકમાં ય હું સાવ એકલવાયો રહી ગયો;
જાણીતા
મળ્યા અજનબી બની,અજાણ્યું ભટકાતું નથી.
રમત
આપણી જિંદગીની રમાડે રામ એમ રમવું પડે;
કરી
અંચઈ આપણી રીતે તો યાર, કદી રમાતું નથી.
ઘાયલકી
ગત કોઈ ઘાયલ જાણે, દુસરો ન જાણે કોઈ;
જે
રીતે ઘવાયો છે નટવર એ રીતે કોઈ ઘવાતું નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું