ઠુકરાવો
તમે કે મને પ્યાર કરો, હું પ્રેમમાં છું;
જે
કરવું હોય એ લગાતાર કરો, હું પ્રેમમાં છું.
નથી
બચવાની કોઈ જ આશા, નથી નિરાશા;
હોય
જો કોઈ તો સારવાર કરો, હું પ્રેમમાં છું.
ધરાર
ઇકરાર કરો સનમ કે કરો ઇન્કાર તમે;
કદી
મારા ઇશ્કનો ઇઝહાર કરો, હું પ્રેમમાં છું.
નસીબમાં
હતું જ ઇશકમાં પાયમાલ થવાનું;
હવે
તમે તમારી દરકાર કરો, હું પ્રેમમાં છું.
ન તો
રૂબરૂ થયા, ન તો સપનામાં પધાર્યા;
મારા
સપનાંને તો
સાકાર કરો, હું પ્રેમમાં છું.
તમારી
ચાહતથી ય નથી મળતી રાહત મને;
ચાલો, આજે મીઠી તકરાર કરો,
હું પ્રેમમાં છું.
નજર
નચાવો અથવા નજર બચાવો, સનમ;
ડુબાવી
દો આંખોમાં કે પાર કરો, હું પ્રેમમાં છું.
થતા
થતા તમને પણ થઈ જશે પ્યાર એક દિ;
મારો
તમે થોડો તો એતબાર કરો, હું પ્રેમમાં છું.
દીવાલો
સાથે વાત કરું, હસતા હસતા હું રડું;
મારી
હાલતનો જરા વિચાર કરો, હું પ્રેમમાં છું.
આ
ભવમાં તો દઈ ગયા દગો નટવરને તમે;
આવતા
ભવ માટે તો કરાર કરો, હું પ્રેમમાં છું.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું