કહે
સનમ હું ક્યાં, કદી પણ ખોટું બકું છું?
ધ્યાનથી
સાંભળ,તારા
દિલમાં હું ધબકું છું!
કેટકેટલી
નજર મને કેદ કરવા તત્પર છે!
બસ
તારી જ નશીલી નજરથી હું છટકું છું.
કેટકેટલાં
રૂપ ધર્યા તને મનાવવા મેં તો;
તારા
કપાળે રક્તિમ ચાંદલાનું ટપકું છું.
એવો
તો ખોવાયો તારા હસીન ખયાલોમાં;
મારા
ઘરમાં મને શોધવા ઠેર ઠેર ભટકું છું.
ભવોભવની
પ્યાસ લઈને બેઠો છું યુગોથી;
મારા
જ આંસુંઓને અમૃત સમજી ગટકું છું.
હોય
એવું કહી દેવાની કુટેવ છે મને યારો;
એથી
મારા યાર દોસ્તોને ક્યારેક ખટકું છું.
મુસાફર
છું, સફરમાં
રહું છું સદા એકલો હું;
વહેતી
હવા છું, હું
ક્યાં એક જગાએ ટકું છું?
એમ
તો ઘણું કહેવાનું બાકી રાખ્યું નટવરે;
તને
સમય નથી, એટલે
અહીં જ અટકું છું.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું