યાદ કરું જેને હું સતત;
એની પાસે નથી વખત.
સમય ન હોય સનમ, તો;
પોસ્ટ કર કદી કોરો ખત.
ક્યાંક હોય અસીમ સ્નેહ;
ક્યાંક એની ભારે અછત.
એવું કેમ થયા રાખે છે?
હારે સત,જીતે છે અસત.
ભગવાન, તારે નામે છે;
અહીં બધા જ બગભગત.
ભગવાન તું થયો મોંઘો;
શ્રદ્ધા તારી સાવી મફત.
એમનાં પર મરતો રહ્યો;
જીવતા જ થયો સદગત.
લેતા લેતા લઈ તો લીધું;
દિલ ન આપ્યું મને પરત.
આપના ગયા બાદ સનમ;
નથી થયું જીવન પૂર્વવત્ !
હથેળીમાં જ રેખાઓ છે;
ને ભાવિ નથી હસ્તગત!
આ જિંદગી શું છે નટવર?
શ્વાસ-ઉચ્છવાસની રમત?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું