નાદારી છે...

આંસુ છાંટી આગ હૈયાની ઠારી છે;

લાગે છે, માણસ એ અલગારી છે.

બળવાનો,બાળવાનો બંદોબસ્ત છે.

આ ઇશ્ક એક શીતલ ચિનગારી છે.

દુનિયા ન તો મારી છે, ન તમારી;

આ જાલિમ દુનિયા બહુ ઠગારી છે.

હર રાત ભલે હોય કાળી ઘનઘોર;

રંગિન  સમણાંથી એ શણગારી છે.

નચાવે જેમ નાચ એમ નાચવાનું;

આ સમય બડો કાબેલ મદારી છે.

દેહ કરતા ફૂલોનું છે વધારે વજન;

જનાજો મારો એથી બહુ ભારી છે.

કહેવાનું છે એ રહી જાય કવિતામાં;

તારી નટવર, આ કેવી નાદારી છે?