સમી સાંજે ખામોશી ચૂપકીથી કાનમાં સાદ કરે છે.
એ કહે દૂર દૂર જરૂર કોઈ મને હરદમ યાદ કરે છે.
આ ઇશ્ક પણ અજીબ માયાજાળ છે ઓ યાર મારા;
કોઈને એ આબાદ કરે, કોઈને એ બરબાદ કરે છે.
જીવ મારો કપાય જાય, થાય દિલના ટૂકડે ટુકડા;
જ્યારે મને એ એના ખયાલોમાંથી ય બાદ કરે છે.
મારા ઘરની હર દિવાલે લગાવી છે એની જ છબી;
એથી મારા ઘરની ભીંત મારી સાથે સંવાદ કરે છે.
કહેવાય છે દોસ્ત મારા કે ઝહેરના પારખાં ન હોય;
મારા જેવો વીરલો જ વિરહ વિષનો સ્વાદ કરે છે.
ખુદા જેવો ખુદા પણ કેવાં કેવાં ભેદભાવ રાખે છે?
વનમાં ઝાઝો અને રણમાં ક્વચિત્ વરસાદ કરે છે.
સાગરમાં એમ તો કંઈ ભરતી નથી આવતી યાર;
પુનમે ચાંદની ગટગટાવી દરિયો ય ઉન્માદ કરે છે.
જો એકાદ દિવસ ન લખું હું કવિતા એની યાદમાં;
તો સનમ કહી દે મને,નટવર તુ બહુ પ્રમાદ કરે છે.
એ કહે દૂર દૂર જરૂર કોઈ મને હરદમ યાદ કરે છે.
આ ઇશ્ક પણ અજીબ માયાજાળ છે ઓ યાર મારા;
કોઈને એ આબાદ કરે, કોઈને એ બરબાદ કરે છે.
જીવ મારો કપાય જાય, થાય દિલના ટૂકડે ટુકડા;
જ્યારે મને એ એના ખયાલોમાંથી ય બાદ કરે છે.
મારા ઘરની હર દિવાલે લગાવી છે એની જ છબી;
એથી મારા ઘરની ભીંત મારી સાથે સંવાદ કરે છે.
કહેવાય છે દોસ્ત મારા કે ઝહેરના પારખાં ન હોય;
મારા જેવો વીરલો જ વિરહ વિષનો સ્વાદ કરે છે.
ખુદા જેવો ખુદા પણ કેવાં કેવાં ભેદભાવ રાખે છે?
વનમાં ઝાઝો અને રણમાં ક્વચિત્ વરસાદ કરે છે.
સાગરમાં એમ તો કંઈ ભરતી નથી આવતી યાર;
પુનમે ચાંદની ગટગટાવી દરિયો ય ઉન્માદ કરે છે.
જો એકાદ દિવસ ન લખું હું કવિતા એની યાદમાં;
તો સનમ કહી દે મને,નટવર તુ બહુ પ્રમાદ કરે છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું