ઇશ્ક ફરમાવતા મને થોડી વાર લાગશે;
પ્રેમપત્ર લખતા મને થોડી વાર લાગશે.
શું શું ભૂલ્યો છું હું એ જ યાદ નથી રહ્યું;
બધું યાદ કરતા મને થોડી વાર લાગશે.
બે જ કદમ દૂર છે મયખાનાથી મારું ઘર;
તો ય ઘરે જતા મને થોડી વાર લાગશે.
સાવ કિનારે ડૂબી જવાની છે આદત મને;
આંખોમાં ઊતરતા મને થોડી વાર લાગશે.
જીતની બાજી સોંપી છે દુશ્મનના હાથમાં;
એવી રમત રમતા મને થોડી વાર લાગશે.
માંડમાંડ ખુદનાં બંધનથી મુક્ત થયો છું;
દિલમાં કેદ થતા મને થોડી વાર લાગશે.
જેને આપ્યું મેં દિલ એણે પરત આપ્યું છે;
નવેસરથી ધરતા મને થોડી વાર લાગશે.
હસતા હસતા ઘણી વાર છલકાવી આંખો;
મીઠું મીઠું મરકતા મને થોડી વાર લાગશે.
ખુદથી,ખુદાથી થયો દૂર કોઈની તલાશમાં;
એ તરફ પાછાં ફરતા મને થોડી વાર લાગશે
ધબકે દિલ નટવરનું એનાં જ નામે હરદમ.
યાર હવે તો મરતા મને થોડી વાર લાગશે.
પ્રેમપત્ર લખતા મને થોડી વાર લાગશે.
શું શું ભૂલ્યો છું હું એ જ યાદ નથી રહ્યું;
બધું યાદ કરતા મને થોડી વાર લાગશે.
બે જ કદમ દૂર છે મયખાનાથી મારું ઘર;
તો ય ઘરે જતા મને થોડી વાર લાગશે.
સાવ કિનારે ડૂબી જવાની છે આદત મને;
આંખોમાં ઊતરતા મને થોડી વાર લાગશે.
જીતની બાજી સોંપી છે દુશ્મનના હાથમાં;
એવી રમત રમતા મને થોડી વાર લાગશે.
માંડમાંડ ખુદનાં બંધનથી મુક્ત થયો છું;
દિલમાં કેદ થતા મને થોડી વાર લાગશે.
જેને આપ્યું મેં દિલ એણે પરત આપ્યું છે;
નવેસરથી ધરતા મને થોડી વાર લાગશે.
હસતા હસતા ઘણી વાર છલકાવી આંખો;
મીઠું મીઠું મરકતા મને થોડી વાર લાગશે.
ખુદથી,ખુદાથી થયો દૂર કોઈની તલાશમાં;
એ તરફ પાછાં ફરતા મને થોડી વાર લાગશે
ધબકે દિલ નટવરનું એનાં જ નામે હરદમ.
યાર હવે તો મરતા મને થોડી વાર લાગશે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું