મળ્યો હતો ક્યારેક
મને એક સાવ કોરો પત્ર;
વાંચતા વાંચતા વીતી ગયું જિંદગીનું સત્ર.
વરસી પડ્યા વાદળો આજે સાવ અચાનક;
ભીના થઈ ગયા જંગલમાં વૃક્ષોના સૌ વસ્ત્ર.
નથી મન થતું વાદળને વરસવાનું શહેરમાં;
જ્યાં નીકળે છે હરેક લઈ રેઈનકોટ ને છત્ર.
હું ઘાયલ
થવાની તૈયારી સાથે તને મળ્યો;
હવે તો સનમ વધુ ન સજાવ નજરના શસ્ત્ર.
નજૂમીએ કહ્યું છે તો આવતી સાલ સારી જશે;
આજથી જ બદલાવા લાગ્યા રાશિ,ગ્રહ,નક્ષત્ર.
સપનાંમાં સ્પર્શ્યો તને એક વાર સાવ સહજ;
તારા પમરાટથી થઈ ગયું બદન ઇત્ર - ઇત્ર.
મારું ભાગ્ય જ એવું હતું મારી સાથે દગો થયો;
તારો એમાં કોઈ વાંક નથી મારા પરમ મિત્ર!
અસર ઇશ્કની છે કેવી, નટવર કેવી રીતે કહે?
જેને જોયા નથી કદી એ દેખાય અત્ર,તત્ર,સર્વત્ર.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું