મારી તો બસ છે હવે એક જ હસરત;
મારા જ ખયાલોમાં રહે એ
સદાય રત.
પુરી થાય એની સહુ અધૂરી ઇચ્છાઓ;
કદી મારા માટે એણે ય કર્યા હશે વરત.
શું કહું હું એના વિશે, સમજ નથી મને;
એના વિશે લખું હું, નથી મારી ફિતરત.
હુસ્ન,નજાકત,
સૌંદર્ય, હોશિયારી,યુવાની;
એ બધું જ ખુદાએ કર્યું
છે એને વિતરત.
શું કહું એના હાસ્ય વિશે
તને યાર મારા;
જો એ હસે તો ખીલી ઊઠે
આખી કુદરત.
બોલાવું કદી રૂબરૂ મળવા તો ન આવે;
બોલાવું કદી રૂબરૂ મળવા તો ન આવે;
ન બોલાવ્યે દોડી આવે
સપનામાં તરત.
થતા થતા થઈ જાય છે ઇશ્ક
અચાનક;
છે હરેક ઘડી એના માટે તો
શુભ મુરત.
એની નજરે મારી નજરને આ
તે શું કર્યું?
હર જગા નજર આવે મને એની
જ મુરત.
મળતો રહે સાથ એનો
જિંદગીભર મને;
મંજૂર છે યાર, મને તો એની હરેક શરત.
વગર માંગ્યે આપ્યું છે
દિલ મારું એને;
આશ એટલી, ન કરે કદી સાભાર પરત.
વાત મોઘમ રહેતી નથી
ઇશ્કની કદી ય;
નથી લોકો દુનિયામાં
એટલાં ય જડભરત.
ઇશ્કની છે આ કેવી અદ્ભુત
અસર નટવર!
તારા જેવા
બદનામને મળી ગઈ શોહરત.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું