આ માણસ ન તો નાનો છે,
ન તો એ મોટો છે;
ફૂટી જશે એક દિ,
બસ એક રંગીન પરપોટો છે.
તારે મને વીસરી જ જવું હોય તો એ હક છે તને;
તને ભૂલીશ હું તો એ ખયાલ તારો સાવ ખોટો છે.
સ્નેહ સીંચી તરોતાજો રાખીશ હું સદા ય એને;
આ હસતો ચહેરો તારો ગુલાબી ગુલાબગોટો છે.
જખમ ગણવાનું રહેવા દે દોસ્ત તું દિલ પરના;
અંક ઓછા પડશે યાર,
એનો ક્યાં કંઈ તોટો છે?
મારી દોસ્તીને દોસ્ત,
સાવ સસતી માની લીધી?
મારી પાસે હજી ય તેં આપેલ કિંમતી લખોટો છે!
શું કહું સનમ અહીં તારા વિશે સહુને તું જ કહે એ;
હું એટલું જ કહીશ, વિશ્વમાં તારો ક્યાં જોટો છે?
ઇશ્કની આ જ તો સાચી ચરમસીમા હોય સનમ;
મારા મનોમંદિરમાં પ્રભુનો નહીં તારો જ ફોટો છે.
શું છે નટવરની કવિતાઓ,
સહુ કવનો ને નજમો?
સુંવાળી મુલાયમ લાગણીનો એ એક નફોતોટો છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું