વાત જે હતી ખાસ હવે એ આમ બની ગઈ;
મુદતોની પ્યાસ એક ખાલી જામ બની ગઈ.
રાધાએ એની હદથી વધીને ચાહ્યો માધવને;
જો કા’ના,હવે ખુદ રાધા જ
શ્યામ બની ગઈ.
ઘટતા ઘટતા ઘટના એવી તે કેવી ઘટી ગઈ?
હતી જે વાત અંગત,
હવે સરેઆમ બની ગઈ.
અમે એક આહ શું ભરી રસ્મ – એ –ઉલ્ફતમાં!
ચર્ચા એની યાર, હવે તો ગામેગામ થઈ ગઈ.
જેના કાજ ધબકે છે દિલ એને જ ખયાલ નથી;
ધડકનો આ દિલની સાવ જ સૂમસામ બની ગઈ.
જ્યાં પાવન પગલાં પડ્યા છે એનાં ધરા પર;
જગા એ હવે મારા કાજ ચાર ધામ બની ગઈ!
રાહ- એ- ઇશ્ક ભલે બહુ કઠિન હોય યાર મારા;
એના ઘરની એ ગલી આખરી મુકામ બની ગઈ.
લખી જે કંઈ કવિતાઓ નટવરે કોઈની યાદમાં;
એના મિત્રો કાજ એ પ્યારનો પયગામ બની ગઈ
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું