Recharge?

બંધ થઈ રહ્યા છે  ધીરે ધીરે મારા હરેક માર્ગ;

કહે દોસ્ત,કઈ રીતે કરવી જિંદગી Recharge?

એક નાનકડી રૂપકડી તસવીર સજાવી આંખોમાં;

બંધ કરું જ્યારે આંખો,થઈ જાય છે એ Enlarge.

થઈ છે જ્યારથી એમની સાથે આંખ મિચોલી;

દિલની ધડકનોના થઈ ગયા એઓ In-charge,

આ જિંદગી એટલે જાણે એક આજીવન કારાવાસ;

હસતા રમતા મોત આવે, મળી જાય Discharge.

સાચવી સાચવી ઠાંસી ઠાંસીને ભરી જેમાં લાગણી;

આવીને કિનારે જ ડૂબી ગયું એ ભારેખમ Barge.

આ દુનિયા ય કમબખ્ત બહુ જાલિમ છે યાર મારા;

સુહાના સપનાં જોવાનો ય લગાવશે એ Surcharge.

ઇશ્ક ફરમાવી સાવ મફતમાં એ વીસરી ગયા મને;

ને એમને યાદ કરવાનો કર્યો એમણે ભારે Charge.

લોકોનું શું?નટવર એ તો કરશે જાત જાતની વાત;

નાની અમસ્તી વાતને વાત વાતમાં કરે એ Large.

(Barge= સપાટ તળિયાવાળી ભારે માલવાહક નૌકા)