મન તો ભાઈ મન છે...

મન તો ભાઈ મન છે,  મનને કોણ સમજાવે?
મન તો ભાઈ મન છે,  જ્યાં ત્યાં એ રખડાવે.

મન તો ભાઈ મન છે, એની વાત કોણ જાણે?

મન તો ભાઈ મન છે, હસતા હસતા ય રડાવે.

મન તો ભાઈ મન છે, એને હવે શું કહેવું મારે?

મન તો ભાઈ મન છે, ખુદ સાથે એ ઝઘડાવે.

મન તો ભાઈ મન છે, ક્યાં કદી એ સ્થિર થયું?

મન તો ભાઈ મન છે, ભવાટવીમાં એ ભટકાવે.

મન તો ભાઈ મન છે, અમસ્તું અમસ્તું રિસાઈ;

મન તો ભાઈ મન છે, બદલી રૂપ એ લલચાવે.

મન તો ભાઈ મન છે, કહેવાય એ અતિ ચંચળ;

મન તો ભાઈ મન છે, જ્યાં ત્યાં એ તો રખડાવે.

મન તો ભાઈ મન છે, એ વરસે તો તરસે પણ;

મન તો ભાઈ મન છે, લાવી કિનારે એ તરસાવે.

મન તો ભાઈ મન છે, પળમાં રૂઠે, પળમાં રીઝે;

મન તો ભાઈ મન છે,એને કેવી રીતે ધમકાવે?

મન તો ભાઈ મન છે, શું કરે હવે એનું નટવર?

મન તો ભાઈ મન છે,દર્દમાં ગઝલ એ ગવડાવે.