મારું જે કંઈ છે એ તારું તમામ છે;
તારા વિના જીવવું
હવે હરામ છે.
તને નિહાળી દોસ્તો
મને યાદ કરે;
તારું નામ જ મારું તકિયાકલામ છે.
કેવી રીતે હોઠે માડું હું સાકી એને?
હાથમાં મારા
બદલાયેલ જામ છે.
ન સમજ દોસ્ત,
વતનને હું ભૂલ્યો;
દિલમાં હંમેશ વસેલ મારું ગામ છે.
મારું તમારું કંઈ નથી ચાલતું અહીં;
હર કોઈ શખ્સ સમયનો ગુલામ છે.
જિંદગી પીછો નથી છોડતી કોઈનો;
કબરમાં ય ક્યાં કોઈને આરામ છે?
આપણું એવું,
આવનારને આવકાર;
જનારને ખરા દિલથી રામ રામ છે.
જે લખે છે નટવર તું એ કંઈ નથી;
ફક્ત શબ્દોનો એ
થોડો દમામ છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું