આંખોમાં એમની એક આંસું નમણું હતું;
સૌ હસ્યા,એઓ રડ્યા મારું
ઉઠમણું હતું.
રાતભર જાગતા રહ્યા કોની રાહમાં અમે;
અમે ખોયું, એ એમનું સુહાનું
સમણું હતું.
કંઈ જ ન કહ્યું એમણે એમના બે હોઠોથી;
આંખોથી જે કહ્યું એમણે એ જ ઘણું
હતું.
વિસ્ફોટ તો થવાનો જ હતો દોસ્ત મારા;
એક અંગ પરમાણું હતું, બીજું અણું હતું.
બે નયનો મારા
ભીનાં ભીનાં રહેશે હવે;
તો ય ભીની આંખોમાં ન કોઈ કણું હતું.
તરી ગયો આખેઆખો ભવસાગર હું પણ;
મ્હોમાં એમની યાદનું એક જ તરણું
હતું.
તીર નજરનું છોડી કર્યો છે શિકાર એમણે;
હૈયું મારું એમને મન તો એક હરણું
હતું.
કોને જઈને કરીએ ફરિયાદ હવે અમે પણ?
જખમ જેમણે આપ્યા મને એ મા જણું હતું.
દેવા કર્યા છે નટવરે
કારોબાર-એ-ઇશ્કમાં;
એની યાદમાં એક કવિતા, એ ભરણું હતું.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું