જિંદગીની આ ય કેવી અજબ કસક છે!
આંખો છે કે જાણે આંસુની બે મશક છે!!
એને ખબર હોય કે ન હોય કોને ખબર?
એને પ્યાર કરવાનો તો મારો ય હક છે.
જિંદગીમાં એક જ વાર જીવવાનું મળે;
એ મળે તો જીવી જવાની બીજી તક છે.
શું છે જિંદગી એના વિના શું કહું યાર?
શ્વાસ લેવાની છોડવાની એક રકઝક છે.
બદલતા બદલતા સાવ બદલી નાંખ્યો;
અને કહે મને તારામાં હવે બહુ ફરક છે.
એમની આંખોની ગહેરાઈ વિશે શું કહું?
જિંદગી મારી આખી એમાં જ ગરક છે.
મને યાદ કરતા રહે છે એઓ ને રહેશે;
ભલે મને વીસરવાની એમની જક છે.
મારા ખયાલની જ એ પણ અસર હશે;
ભીની આંખો સાથે ય હૈયું મરક મરક છે.
તારું મયખાનું છોડીને હું ક્યાં જાઉં સાકી?
મયખાના મહીં સ્વર્ગ છે, બહાર નરક છે.
એ કદી ય ન સમજી શકે ઇશ્કને નટવર;
હૈયામાં જેનાં હરદમ થોડો થોડો શક છે.
Wahhh
જવાબ આપોકાઢી નાખો