કોણ કેવું છે અહીં? કેવી રીતે થાય પરખ?
સહુ ફરે છે અહીં ચહેરા પર લગાવી વરખ.
આપણા હળવા મળવામાં ય છે ફરક સનમ;
છે મને જેટલો હર્ષ,શું છે
તને એટલો હરખ?
કેટલાંક સંબંધો ય એવા જ હોય છે ઓ દોસ્ત;
આંગળીથી જેમ વેગળા
વેગળા રહે છે નખ.
ઝહેર જુદાઈનું પીને પણ જીવી ગયો સનમ;
કાં તું આવીને મળ કાં આપી દે વસમું વખ.
ન કોઈ એનો આર ન તો છે એનો કોઈ પાર;
ઇશ્ક તો ઇશ્ક જ છે,
ઇશ્ક જ છે સાચો અલખ.
ઇતર તિતર બિતર શોધતા નથી મળતો ખુદા;
શોધવો જો હોય તો એક વાર તું ખુદમાં નિરખ.
કોના વિચાર કરે નટવર ને કોણ તારા કરે છે?
કદીક તો ખુલાસાવાર એના વિશેય કંઈક લખ.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું