જો હું ખોટો હોઉં તો મારો તું વિરોધ કર;
નહીંતર પછી સૌને મારો તું અનુરોધ કર.
તારા દિલના જ ખૂણામાં મળી આવીશ;
દોસ્ત,
જરા દિલથી મારી તું શોધ કર.
દોસ્ત,
તારો બનાવટી પ્રેમ મને ખલે છે;
દિલ ખોલીને દોસ્ત મુજ પર તું ક્રોધ કર.
મીઠી મીઠી મન ગમતી વાતો છોડ હવે;
ધબ્બો મારી મધુરી ગાળોનો તું ધોધ કર.
પડાવશે તડ શત્રુઓ દોસ્તીના સામ્રાજયમાં;
એવા દુશ્મનની દોસ્તીનો તું અવરોધ કર.
દાવપેચ દોસ્તીના દુશ્મનો પાસે શીખ્યા છે;
એ વિશે આ (તુ)ફાની દુનિયાને તું બોધ કર.
છે મારો પ્રસંગ ને હું જ નથી તો શું થયું?
મારી શોકસભા હસતે મ્હોંએ તું સંબોધ કર.
નટવરની કવિતા તેં વગર વાંચ્યે ફેંકી છે;
એક દિ ફરી ફરી
વાંચશે એ તું નોંધ કર.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું