જ્યારે ઊતરશે મારો ખુમાર;
સમજાય જશે મારો સુમાર.
એ જ દઈ જાય દગો દોસ્ત;
જેને ચાહો છો તમે બેસુમાર.
જાનથી વધુ ચાહ્યા કર્યા મેં;
એમનેય આવી ગયો તુમાર.
આવ્યા લેવા ખબર મારી;
જીવે કેમ દિલનો બીમાર?
તણાય જઈશ આંસુંઓમાં;
આજકાલ વરસે છે દેમાર.
ગયા છે જ્યારથી છોડીને;
સુની અગાશી સુનો મિનાર.
મુજ જેવાં એક મુફલિસને;
છેતરી ગૈ એક ચતુર નાર.
કેવી રીતે રહીશ હું હોશમાં;
ઇશ્કમાં લાગ્યો છે મુઢમાર.
ભાગ્યે કરી સજા નટવરને;
જાનથી તો દોસ્ત, ન માર.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું