મારું હ્રદય હવે જાણે મારું હ્રદય નથી;
ધબકે તો છે પણ એમાં કોઈ લય નથી.
ક્યારેક ધબકે એ વધારે ક્યારેક ઓછું;
શું કરવું એણે?એનું હવે કંઈ તય નથી.
એકાદ ધબકારો ચૂકી ગભરાવી દે મને;
ને હસીને કહે મને એ કંઈ પ્રલય નથી.
ક્યાં સુધી ધક ધક કરતું રહેવું પડશે?
હ્રદયને આરામ કરવાનો સમય નથી.
ધબકે જેના માટે, જેના કાજે હ્રદય તું;
બની શકે એને હ્રદય જેવું હ્રદય નથી.
હ્રદય તો હ્રદય છે સદા રહે એ યુવાન;
વધે વખત સાથે એવી એની વય નથી.
ધબકાર એક, સુર એક, અલગ હ્રદય;
ને તોય એકબીજામાં કંઈ વિલય નથી.
રોજ રોજ કોઈના પર મરતો રહે નટવર;
એથી ઓ હ્રદય, મને મોતનો ભય નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું