આંસું ખારા.....
આવ્યા છે આંખોમાં આંસું ખારા;
ને તો ય લાગે છે હવે એ સારા.
ન કોઈ આવે મને ખયાલ બીજા;
હર પળ કરું હું તો વિચાર તારા.
જેવી રીતે સ્મરતો રહું છું હું તને;
કદી તને આવે છે વિચાર મારા?
કેવી રીતે વિતાવું હું વસમી રાત?
પડે છે ઓછા ગણવાને આ તારા.
હળવેથી ઉતારશો મારા શિરેથી;
છે વજનદાર આ સપનાનાં ભારા.
પ્યાસા હોય એની વચ્ચે રહે અંતર;
તરસ્યા રહે બન્ને, છલકાતા કિનારા.
હસતા હસતા જાન લઈ જાય એ;
જે કદી હોય જાનથી વધુ પ્યારા.
કેવો હતો,કેવો થઈ ગયો નટવર?
કરે છે ચિંતા મારી દોસ્તો બિચારાં!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું