અંદરો અંદર કોણ મને સતત છળી રહ્યું છે?
ભીતર એક ખૂણામાં અંધારું ઝળહળી રહ્યું છે.
મનગમતું લોક વસતું રહે છે કોસ કોસ દૂર;
અણગમતું લોક મને રોજ રોજ મળી રહ્યું છે.
જ્યાં જ્યાં ચરણ પડ્યા હતા સનમ તમારા;
સજદામાં શિર મારું વારે વારે ઢળી રહ્યું છે.
દીધા ન આજે એમણે રૂપાળા દર્શન ઝરૂખે;
એમની ઝાંખી કાજ ટોળું ટળવળી રહ્યું છે.
ગયા છો એક વાર મળીને સનમ એવા તમે;
જીવન મારું પળે પળ બન્ને છેડે બળી રહ્યું છે.
એક તો જામ અધૂરું જિંદગીનું છલકાય ઘણું;
ને સનમ હવે એ ચારે તરફથી ગળી રહ્યું છે.
ઝંખનામૃત થીજી ગયું હતું કોઈને ચાહવાનું;
નજમ બની નટવર ધીમેથી ઓગળી રહ્યું છે.
ભીતર એક ખૂણામાં અંધારું ઝળહળી રહ્યું છે.
મનગમતું લોક વસતું રહે છે કોસ કોસ દૂર;
અણગમતું લોક મને રોજ રોજ મળી રહ્યું છે.
જ્યાં જ્યાં ચરણ પડ્યા હતા સનમ તમારા;
સજદામાં શિર મારું વારે વારે ઢળી રહ્યું છે.
દીધા ન આજે એમણે રૂપાળા દર્શન ઝરૂખે;
એમની ઝાંખી કાજ ટોળું ટળવળી રહ્યું છે.
ગયા છો એક વાર મળીને સનમ એવા તમે;
જીવન મારું પળે પળ બન્ને છેડે બળી રહ્યું છે.
એક તો જામ અધૂરું જિંદગીનું છલકાય ઘણું;
ને સનમ હવે એ ચારે તરફથી ગળી રહ્યું છે.
ઝંખનામૃત થીજી ગયું હતું કોઈને ચાહવાનું;
નજમ બની નટવર ધીમેથી ઓગળી રહ્યું છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું