ઇશ્ક એ જ ઈમાન...

બેપનાહ ઇશ્ક જ એનો ઈમાન છે;

બાકી દિલ મારું બહુ બેઈમાન છે.

તું છે તો હું છું ને હું છું તો તું છે;

આમ જ હું ને તું બન્ને સમાન છે.

ભલે તારી પાસે નજરોનું તીર છે;

તો મારી પાસે જ એની કમાન છે.

તારા અમર ઇશ્કનું ગરૂર છે મને;

અને મારા પ્રેમનું તને ગુમાન છે.

એક વાર તો ફરમાવીને જોઈ લે;
કરીશ પૂરા જે અધૂરા અરમાન છે.

તું માને યા ન માને તારી મરજી;

મને ન ભૂલીશ, મારું ફરમાન છે.

હું નથી કહેતો તને,તું ન કહે મને;

એકબીજા પ્રત્યે આપણને માન છે.

ક્યાં સુધી રહીશું પારકા ઘરે હવે?

હરેક ઘડી બે ઘડીના મહેમાન છે.

નથી રહી ફિકર નટવરને હવે તો;

એની સાથ તો સદા ય રહેમાન છે.