સનમ,તમે હવે કોઈ નવા જ ઘાવ લઈને આવો;
એ કેવી રીતે ન રૂઝાય એ સુઝાવ
લઈને આવો.
તમારી હર ફરિયાદ સાંભળી કરી છે
એ મેં પૂરી;
ચાલો,
હવે મારા વિશે નવી રાવ લઈને આવો.
છલકાવી બેઠો છું હું બન્ને
કાંઠે નદી આંસુઓની;
તમારા અધૂરાં અરમાનોની નાવ
લઈને આવો.
રમતા રમતા રમીશ, ગમતા ગમતા ગમીશ હું;
તરછોડી સૌ અભાવ, થોડો લગાવ લઈને આવો.
મેં ક્યાં કદી વધારે માંગ્યું
છે તમારી પાસે કહો;
બસ તમે તમારા દિલનો સરપાવ લઈને
આવો.
બહુ તપ્યો છું તમારા વિરહની
આગમાં હરદમ;
હવે તમારા ઘૂંઘરાળા કેશની છાંવ
લઈને આવો.
ઘટમાળમાં જીવી જિંદગી કંટાળ્યો
છે હવે નટવર;
ઓ સનમ, તમે હવે કોઈ બદલાવ
લઈને આવો.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું