વાત સાવ સાચી છે, પણ અજીબ નથી;
છે મારી પાસે એ પણ મારી કરીબ નથી.
રેખાઓ તો ઘણી છે મારી હથેળીઓમાં;
હાય રે!મારા હસ્તમાં મારું નસીબ નથી.
મારાથી ન વાત છુપાવ મારી જ વાત;
તું તો મારો દોસ્ત છે, કોઈ રકીબ નથી.
કરો દુઆ મારા માટે, મરીઝ-એ-ઇશક
છું;
દવા કરે આ મરજની એવો તબીબ નથી.
હૈયામાં જેના હામ હોય ને
હોઠ પર હાસ્ય;
હોય ભલે મુફલિસ, શખ્સ એ ગરીબ નથી.
અણીના સમયે સાથ આપ્યો લાગણીઓએ;
કોમળ લાગણીથી કુશળ કોઈ હબીબ નથી.
બોલાવી મને મયખાને પ્યાસો રાખે સાકી;
સાકી, આ તારી કોઈ સારી તહઝીબ નથી.
એઓ ભલે મને વીસરી ગયા હસતા રમતા;
એમને ભૂલવાની મારી પાસે તરકીબ નથી.
ખભે રાખી રોજ ફરતો રહ્યો છે નટવર જેને;
લટકાવ્યો’તો ઈસુને એવી એ
સલીબ નથી.
[તહઝીબ=
શિષ્ટાચાર (સંદર્ભઃ ગુજરાતી લેક્સિકોન),
સલીબ= सलीब =ક્રોસ, જેના પર ઇસુ
મસીહાને લટકાવવામાં આવેલ (સંદર્ભઃ હિન્દી વર્ડનેટ)]
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું