વિસ્તાર પ્યારનો !!

ન વધવા દેશો કદી આપ વિસ્તાર અધિકારનો !

નહીંતર નામશેષ થઈ જશે વિસ્તાર પ્યારનો !!

સાવ અજાણી બે નજર ચાર થઈ જાય અચાનક !

ને આંખો આંખોમાં થઈ જાય છે કરાર પ્યારનો !!

હળવા થવા ઇશ્ક ફરમાવ્યો છે જેણે જેણે અહીં !

એમને જ સદા લાગ્યો છે વધારે ભાર પ્યારનો !!

છુપાવીને જખમ મહેફિલમાં હસતા રહેવું સદા !

એ જ તો યાર મારા છે સાચો વહેવાર પ્યારનો !!

શોધવા બેસશો તો ન મળશે કદી ય તમને એ!

અહીં ક્યાં કદી મળ્યો કોઈને આકાર પ્યારનો ?

પ્રેમ તો પ્રેમ છે, પ્રેમ ક્યાં સમજાય કદી કોઈને?

સમજતા સમજતા જ સમજાય પ્રકાર પ્યારનો !!

જે હસતા રમતા ભૂલ્યા એને સદા યાદ કરવાના !

દોસ્ત આજ તો છે એક કિંમતી ઉપહાર પ્યારનો !!

નથી ઉંમરની કોઈ સીમા,ન જનમ જનમનું બંધન!

ચઢ્યો જો એક વાર,ઊતરતો નથી ખુમાર પ્યારનો !!

શું છે નટવરની આ નાહક કવિતાઓની ભરમાર ?

શબ્દે શબ્દે સંતાયો એમાં સંદેશ બેસુમાર પ્યારનો !!