મારા ચહેરા પર તો કોઈ આવરણ નથી !
તોય ઓળખે મને એવો એકેય જણ નથી !
ખુદને શોધવા દરબદર ભટકતો રહ્યો હું !
અરીસા છે સહુ,ક્યાં એકે પણ દર્પણ
નથી !
જેને મારા મારા હું સમજતો રહ્યો હંમેશ
!
હાય રે!એમને મારું જરાય વળગણ નથી !
શું સમજવું ઇશ્ક વિશે અને શું
સમજાવવું ?
ઇશ્ક વિશે કંઈ કહું એટલી સમજણ નથી !
ધરતી પણ એવી જ છે,આકાશ પણ એવું !
તોય વતન જેવું અહિંયાં વાતાવરણ નથી !
કોઈના ઇશ્કમાં ભૂલો પડ્યો છું એવો
યારા !
હું કોણ છું?કોણ હતો? જરાય સ્મરણ નથી !
તારી લાગણી વટાવીને શું કરશે નટવર ?
એવી જગા છે આ, જ્યાં એનું ચલણ નથી
!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું