રાખીને તકિયા નીચે મારી યાદ, કેવી
રીતે ઊંઘશો?
કોઈ ન સાંભળે તમારી ફરિયાદ, કેવી રીતે ઊંઘશો?
વાદળો ગરજશે, વીજળી ચમકશે, અંધારું
ય ઘેરાશે!
આંખમાંથી ઓચિંતો થશે વરસાદ, કેવી રીતે ઊંઘશો?
સપનાંઓ છળશે, એકલતા
મળશે, ને પથારી કરડશે!
ખુદમાંથી કરી મને બિલકુલ બાદ, કેવી રીતે ઊંઘશો?
વસમી વાસનાઓને ઢંઢોળી,અસીમ ઇચ્છાઓ ઓઢીને;
રાખીને અધૂરી તનમનની મુરાદ, કેવી રીતે ઊંઘશો?
તારાઓ ગણાય જશે સહુ, ચાંદ ઊગીને આથમી જશે;
ખામોશી કરશે તમારી સાથે સંવાદ, કેવી રીતે ઊંઘશો?
શ્વાસ ઉચ્છવાસ સાથે સતત લડશે, નિસાસા ય નંખાશે!
કરી ખુદને ઇશ્કમાં સાવ જ બરબાદ, કેવી રીતે ઊંઘશો?
તન તડપશે, મન
તરફડશે ને આગ દામનમાં લાગશે;
દબાવી ઊછળતો ઊનો ઊનો ઉન્માદ, કેવી રીતે ઊંઘશો?
શબ્દ શબ્દ અક્ષર અક્ષર નટવરની કવિતાના છે
તમારા!
ધડકનો દિલની કરશે ઇર્શાદ ઇર્શાદ, કેવી રીતે ઊંઘશો?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું