મરુભૂમિમાં હું સપ્તરંગી સપનાં વાવીને આવ્યો છું!
અને ઝાંઝવાંના જળથી રણ છલકાવીને આવ્યો છું!
ધડકનો મારા દિલની તેજ થઈ તો નવાઈ નથી !
દિલ મારું હું કોઈક સાથે હું બદલાવીને આવ્યો
છું!!
જે વાત કદી ય હું સમજ્યો નથી ઓ યાર
મારા !
એ જ વાત હું મહેફિલને સમજાવીને આવ્યો છું !!
વખત મારો સાવ થંભી ગયો હવે એમનાં વગર!
સમય એમનો ય હતો ત્યાં અટકાવીને આવ્યો
છું !
આજે મંદિરે નથી જવું, ન તો પઢવી મારે નમાજ !
એક રડતા બાળકને આજ હું હસાવીને આવ્યો
છું !!
સો ટચનો ઇશ્ક છે મારો એ એમને સમજાશે
કદી !
વિરહની જ્વાળામાં હું ઇશ્કને તપાવીને
આવ્યો છું !!
ભવોભવથી ભટકતો હતો ભવાટવીમાં તરસ્યો
હું !
એક દરિયો તરસનો આજ ગટગટાવીને આવ્યો
છું !!
રોજબરોજ એકાદ ગઝલ લખતો આવ્યો છે નટવર!
એવું કિસ્મત વિધાતા પાસે હું લખાવીને આવ્યો છું !!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું