ચાલો હવે આપણે સગપણ સગપણ
રમીએ!
ને સમજીએ તો સમજણ સમજણ
રમીએ !!
મોટાં થતા થતા ખોટા થઈ
જશું એક દિ!!
છોડી ખોટી મોટાઈ બચપણ
બચપણ રમીએ
રાહ-એ-ઇશ્ક પર ઘણી તો
રહેવાની મુશ્કેલી!
સાથ સાથ રહીને અડચણ અડચણ
રમીએ!!
કુછ તો લોગ કહેંગે, લોગોકા કામ હૈ કહેના !
ખામોશ રહીને બન્ને ચણભણ
ચણભણ રમીએ!
તમારી આંખમાં હું દેખાઉં, મારી આંખમાં તમે!
ફોડી સહુ આયનાઓ દરપણ દરપણ રમીએ !!
દરદ તમારા સૌ આપો મને ને
મારા લો તમે !
ક્યાંક બેસી નિરાંતે અરપણ
અરપણ રમીએ !!
સાથ છે આપણો તો યુગોથી
જન્મ જન્માંતરનો
છોડી સહુ ફિકર ચિંતા ને
મરણ મરણ રમીએ!!
વિરહમાં વહેતા આંસુ કદી
નથી હોતા ખારા!
રડતા રડતા હસી ગળપણ ગળપણ
રમીએ!!
મળીએ અને અલગ થઈએ અને ફરી
મળીએ!
ફરી અચાનક મળી વળગણ વળગણ
રમીએ!!
વખત વખતનું કામ કરે નટવર, તો ભલે કરે!
હસતા રમતા આપણે ઘડપણ ઘડપણ
રમીએ!!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું