સંબંધમાં પડી ગઈ દરાર જરાક;
લાગણીઓ થઈ ગઈ ફરાર જરાક!
મારા હતા, મને છેતરી ગયા સદા;
હતો મને એમના પર મદાર જરાક.
મેં સોંપી દીધું દિલ તમને સનમ;
આપો તમારું, બનો ઉદાર જરાક!
આજે નહી તો કાલે ચૂકવી દઈશ!
આપો તમારો સ્નેહ ઉધાર જરાક.
જિંદગીભર કાળજી રાખીશ તમારી;
તમે પણ કરો મારી દરકાર જરાક !
મેં તો છડેચોક મારી લાગણી કહી;
તમે પણ સનમ કરો ઇઝહાર જરાક.
દુનિયા એના પર ટકી રહી યુગોથી;
છે લોકોને લોકો પર એતબાર જરાક!
સૂતો નટવર કબરમાં ખૂલી આંખોએ;
હજુ છે સનમ તમારો ઇંતેજાર જરાક!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું