દિલમાંથી
રુખસદ મળી;
ને
તન્હાઈ અનહદ મળી.
સીમા
સહુ ઓળંગી કદી;
તો
નવી જ સરહદ મળી.
કર્યો
છે બેપનાહ ઇશ્ક મેં;
તો
દિવાનાની સનદ મળી.
બળ્યો
હું જીવતો જીવતો;
લાગણી
મને જલદ મળી!
લાગણી
લઈ ફરતો રહ્યો;
માગણી
બધી નગદ મળી.
દરિયો
યુગોથી પ્યાસો છે;
નદી
દોડતી ગદગદ મળી.
ચાર
ખભાઓ મળ્યા જ્યારે;
આખરે
એટલી મદદ મળી.
જે કવિતામાં દરદ હતું ઘણું;
જે કવિતામાં દરદ હતું ઘણું;
વાહ
વાહ એને બેહદ મળી.
આખરે
તો કબરમાં સુવાથી;
નટવરને
પળો સુખદ મળી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું