ઘનઘોર વાદળ સાથે જે કરે મસ્તી એ માહતાબ તુ તો નથીને?
જાગતી રાતોમાં સદા ય આવે એ હસીન ખ્વાબ તુ તો નથીને?
જાગતી રાતોમાં સદા ય આવે એ હસીન ખ્વાબ તુ તો નથીને?
નથી એમ તો આદત પીવાની, ન તો આદત મને
લથડવાની;
તો ય વગર પીધે મને ચઢાવે ખુમાર એ શરાબ
તુ તો નથીને?
પૂછતા રહે દોસ્તો મને જે સનમ વિશે
વારંવાર ફેરવી ફેરવીને;
એમના એ બહુ અઘરા લાગતા સવાલનો જવાબ તુ
તો નથીને?
જેના પાને પાને આંસુથી લખી રાખ્યું
હતું મારી હમદમનું નામ;
મારાથી ક્યાંક મુકાય ગયેલ એ કિંમતી
કિતાબ તુ તો નથીને?
કહેવું ઘણું છે એમ તો તને સનમ મારે
જ્યારે જ્યારે મળે છે મને;
જેને કારણે સિવાય જાય છે મારા હોઠ એ
રુઆબ તુ તો નથીને?
છે એમ તો સાવ નજર સામે પણ કદી ય નજર
ના આવે મને;
મારા સમણા પર છવાયેલ એ મખમલી હિઝાબ તુ
તો નથીને?
બહુ સાચવ્યું નટવરે તો ય તણાય ગયો
એમાં તણખલાની જેમ;
બન્ને કાંઠે સદા ખળખળ વહેતો સ્નેહનો એ
સૈલાબ તુ તો નથીને?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું