નિહાળી મને એક નજર, એઓ હસ્યા મરક મરક;
હાય રે કિસ્મત! એમનાં ખંજનોમાં થયો હું ગરક.
એમની નજર મને એવું તો શું કર્યું કોણ જાણે એ?
એમને પડ્યો ન હોય, પડ્યો મારા જીવનમાં ફરક.
સાથ તમારો હોય સનમ તો જાણે મળે મને સ્વર્ગ;
તમારી જુદાઈ, જુદાઈની તન્હાઈ જાણે નકરું નરક.
સદા એમણે જરા ન સાંભળી મારા ઘાયલ દિલની;
દિલ મારું કરી છે રહ્યું એમનાં જ નામે ધબક ધબક.
હર કદમ પર એમનાં પાથર્યા પુષ્પ વીણી કંટકો;
હું ફિદા એમની ચાલ પર,છે એમાં અજબ લચક.
ઇશ્ક અશ્કમાં ઓગળી વહી નીકળ્યો છે ગાલ પર;
ચાખો સનમ મારા આંસુંને, એમાં છે ઇશ્કનું નમક.
જિંદગી વીતી જશે ચેનથી નટવર, આવે ભલે મોત;
ખૂલી કે બંધ હોય આંખો,આવે નજર એમની ઝલક.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું