જીવવું નથી મારે હવે રિબાઈ રિબાઈને;
જીવવું છે મારે તો બસ તુજમાં સમાઈને.
સદા સજા જ મળી ખુદથી જુદા થવાની;
સમજી જ્યારથી સ્વજન વ્યક્તિ પરાઈને.
દવા નહીં, દુઆ જ કામ આવશે શાયદ;
આવ્યો છું હું તો યારો, ફૂલોથી ઘવાઈને.
આંસું આવી એવી રીતે અટકી જાય છે;
જાણે વાદળોય વરસતા નથી છવાઈને.
સાવ છેતરી ગઈ મારી નજર મને પણ;
સમજી બેઠો પ્રેમનો પર્વત હું તો રાઈને.
ખુદા તારો એક નેક બંદો છું રહ્યો સદા;
તોય સમજી ન શક્યો હું તારી ખુદાઈને.
જીવનની આખરી મંજિલ મરણ જ છે;
હું છું જ એવો,મળીશ મોતને હરખાઈને.
એવી રીતે જીવી ગયો જિંદગીને નટવર;
બની પ્રેક્ષક જોતો રહ્યો ભવની ભવાઈને.
જીવવું છે મારે તો બસ તુજમાં સમાઈને.
સદા સજા જ મળી ખુદથી જુદા થવાની;
સમજી જ્યારથી સ્વજન વ્યક્તિ પરાઈને.
દવા નહીં, દુઆ જ કામ આવશે શાયદ;
આવ્યો છું હું તો યારો, ફૂલોથી ઘવાઈને.
આંસું આવી એવી રીતે અટકી જાય છે;
જાણે વાદળોય વરસતા નથી છવાઈને.
સાવ છેતરી ગઈ મારી નજર મને પણ;
સમજી બેઠો પ્રેમનો પર્વત હું તો રાઈને.
ખુદા તારો એક નેક બંદો છું રહ્યો સદા;
તોય સમજી ન શક્યો હું તારી ખુદાઈને.
જીવનની આખરી મંજિલ મરણ જ છે;
હું છું જ એવો,મળીશ મોતને હરખાઈને.
એવી રીતે જીવી ગયો જિંદગીને નટવર;
બની પ્રેક્ષક જોતો રહ્યો ભવની ભવાઈને.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું