ઝાડ પર જે છેલ્લું હતું એ પાન ખર્યાના સમાચાર છે;
પર્ણવિહિન વૃક્ષ હજુ પણ જીવતું રહ્યાના સમાચાર છે.
ખુદા જેવો ખુદા ય આજકાલ સાવ લાચાર થઈ ગયો;
પામર માનવે મંદિરમાં એને કેદ કર્યાના સમાચાર છે.
દરિયો ઇશ્કનો તરવા નીકળ્યો હતો અદનો ઇન્સાન;
કોઈની આંખોનાં ઝીલમાં ડૂબી મર્યાના સમાચાર છે.
ગામ આખેઆખું આજે તો હિલોળે ચઢ્યું છે યાર મારા;
એક ષોડશીના દામનથી પાલવ સર્યાના સમાચાર છે.
આવતી નથી હેડકી, આવે તો સહેજે જતી નથી કદી;
વીસરવાની કોશિશમાં કોઈએ સ્મર્યાના સમાચાર છે.
આલમ- એ- તન્હાઈની પણ કેવી મંજિલ આવી ગઈ?
ખુદના પડછાયાથી એકલતામાં ડર્યાના સમાચાર છે.
ગયો હતો મયખાને નટવર થોડાંક ગમને ભુલાવવા;
જેવો ગયો હતો એવો જ પરત ફર્યાના સમાચાર છે.
પર્ણવિહિન વૃક્ષ હજુ પણ જીવતું રહ્યાના સમાચાર છે.
ખુદા જેવો ખુદા ય આજકાલ સાવ લાચાર થઈ ગયો;
પામર માનવે મંદિરમાં એને કેદ કર્યાના સમાચાર છે.
દરિયો ઇશ્કનો તરવા નીકળ્યો હતો અદનો ઇન્સાન;
કોઈની આંખોનાં ઝીલમાં ડૂબી મર્યાના સમાચાર છે.
ગામ આખેઆખું આજે તો હિલોળે ચઢ્યું છે યાર મારા;
એક ષોડશીના દામનથી પાલવ સર્યાના સમાચાર છે.
આવતી નથી હેડકી, આવે તો સહેજે જતી નથી કદી;
વીસરવાની કોશિશમાં કોઈએ સ્મર્યાના સમાચાર છે.
આલમ- એ- તન્હાઈની પણ કેવી મંજિલ આવી ગઈ?
ખુદના પડછાયાથી એકલતામાં ડર્યાના સમાચાર છે.
ગયો હતો મયખાને નટવર થોડાંક ગમને ભુલાવવા;
જેવો ગયો હતો એવો જ પરત ફર્યાના સમાચાર છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું