એમ તો સાવ નાની છે, મોટી બાબત નથી.
કારોબાર-એ-ઇશ્કમાં કોઈ જ બરકત નથી.
કંઈક લેવા કંઈક તો આપવું પડતું હોય છે;
સસ્તું કે મોંઘું,અહીં તો કંઈ પણ મફત
નથી.
જેના પર જિંદગી આખી વારી દીધી મેં તો;
ને મારા પર હજુ ય એની કોઈ રહમત નથી.
ગીતા, કુરાન ને બાઈબલ ઉથલાવી નાંખ્યા;
માધવ,મહમદ,ઇશાના ક્યાંય દસ્તખત નથી.
ઇશ્ક છે તો દિલ આપી દીધું મેં મારું
એમને;
દિલ એનું આપે મને, એવી કોઈ શરત નથી.
પ્રેમથી મળું, સ્નેહથી સ્મરું, કોઈના પર મરું;
આ સિવાય મને અન્ય કોઈ બૂરી લત નથી.
તમારી સામેથી નહીં, જિંદગીમાંથી ય જઈશ;
એક વાર કહી દો, મારી કોઈ જ જરૂરત
નથી.
જેને માટે જાગી જાગીને લખતો રહ્યો
નટવર;
હાય રે કિસ્મત, એને વાંચવાનો વખત
નથી.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું