પ્રથમ કર...

કરમ કર કે સિતમ કર;

જે કરવું હોય,સનમ કર.

ભૂલી ભલા ભગવાનને;

ઇશ્કને સાચો ધરમ કર.

ગમતા ગમતા ગમીશ;

ગુસ્સો તારો નરમ કર.

ઓગળી મારા શ્વાસમાં;

ઉચ્છવાસને ગરમ કર.

આઘોશમાં સમાઈ મારા;

તારા હર્ષને ચરમ કર.

પળ બે પળ બેસી સાથે;

આ એકલતાને કમ કર.

તારા આંસુ કિંમતી છે;

આંખોને તું ન નમ કર.

ક્યાં સુધી ઠોકર મારશે?

સનમ, જરા શરમ કર!

ઇકરાર કર કે ઇન્કાર કર;

આ કિસ્સો હવે ખતમ કર.

ભલે વીસરી જા સૌ કંઈ;

પણ યાદ મને પ્રથમ કર.

મિત્ર તો છે ઝાઝા નટવર

એમાંથી એક તુ પરમ કર.