યદા યદા ગયો હું મયકદા;
આવ્યો પ્યાસો ત્યાંથી સદા.
કોને કહું દિલની વાત હવે?
કોઈ ન સાંભળે મારી સદા.
એઓ કદી ન થયા અમારા;
જેનાં થઈ ગયા અમે સર્વદા.
રહી ગયા મારા દિલમાં એ;
ભલે સામેથી થઈ ગયા વદા.
આંખ બંધ કરું, ખૂલી રાખું;
નજરે આવે એમની જ અદા.
કરજ -એ- ઇશ્ક ઘણાં ઘણાં;
કેવી રીતે કરવા મારે અદા?
બહુ ચાહ્યા એમને મેં પણ;
થઈ ગયા એ જ મારા ખુદા.
શું કર્યું એમણે મારી સાથે ?
ખુદથી જ હું થઈ ગયો જુદા.
યારા આ બદનામી જ ઇશ્કમાં;
થતા થતા થઈ ગઈ કીર્તિદા.
મધ દરિયે મારી જીવન નૌકા;
ને રીસાય ગયા મારા નાખુદા;
આજે ભલે મને વીસરી જાઓ;
યાદ કરજો, આવે જો આપદા.
કંઈ બચ્યું નથી નટવર પાસે;
બસ, થોડા શબ્દની છે સંપદા.
આવ્યો પ્યાસો ત્યાંથી સદા.
કોને કહું દિલની વાત હવે?
કોઈ ન સાંભળે મારી સદા.
એઓ કદી ન થયા અમારા;
જેનાં થઈ ગયા અમે સર્વદા.
રહી ગયા મારા દિલમાં એ;
ભલે સામેથી થઈ ગયા વદા.
આંખ બંધ કરું, ખૂલી રાખું;
નજરે આવે એમની જ અદા.
કરજ -એ- ઇશ્ક ઘણાં ઘણાં;
કેવી રીતે કરવા મારે અદા?
બહુ ચાહ્યા એમને મેં પણ;
થઈ ગયા એ જ મારા ખુદા.
શું કર્યું એમણે મારી સાથે ?
ખુદથી જ હું થઈ ગયો જુદા.
યારા આ બદનામી જ ઇશ્કમાં;
થતા થતા થઈ ગઈ કીર્તિદા.
મધ દરિયે મારી જીવન નૌકા;
ને રીસાય ગયા મારા નાખુદા;
આજે ભલે મને વીસરી જાઓ;
યાદ કરજો, આવે જો આપદા.
કંઈ બચ્યું નથી નટવર પાસે;
બસ, થોડા શબ્દની છે સંપદા.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું