કોઈક આસપાસ રહે કે ભલે રહે એ દૂર દૂર;
દરેકનાં દિલમાં કોઈકને કોઈક રહે છે જરૂર.
જ્યારથી પીધું છે બે કાજળભરી આંખોથી;
મસ્ત મજાનો એક હલકો હલકો રહે છે સરૂર.
એમના મુલાયમ સ્પર્શમાં એક જાદુ છે યાર;
મારા જેવા પથરાને ય બનાવી દે કોહિનૂર.
એમનું માદક રૂપ છે જ એવું, શું કહું હું હવે?
એમને ય હક છે, ભલે
રહે એ થોડા મગરૂર.
એમને જોયાનું દુઃખ છે કે પછી છે એક સુખ?
બસ, દિલ રહે છે
એમનાં જ ખયાલોમાં ચૂર.
છે જેટલી તાલાવેલી મને મળવાની એમને;
કાશ!
એઓ પણ હશે મને મળવાને આતુર.
થતા થતા થઈ જાય છે અચાનક એવું પણ;
બે યુવા દિલની ધડકનનાં
થઈ જાય એક સૂર.
છે એમ તો સીધા સાદાં ભલાં ભોળા માનુની;
તો ય યાર, મારા માટે
તો છે એઓ એક હૂર.
નથી કોઈ મોટી માંગ, નથી ખાસ ખ્વાહિશ;
બસ એક જ ઇચ્છા, ચાહે
એઓ મને ભરપૂર.
કેવી રોકે નટવર ખુદને એમાં તણાઈ જતા?
વહી નીકળે જ્યારે મુલાયમ લાગણીનાં પૂર!
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું