જરાક ઝૂંકાવું જો હું પલક;
બસ એની જ આવે ઝલક.
મળું જો રૂબરૂ કદીક
એને;
થાય દિલમાં ધડક ધડક.
એમની નજરમાં ય છે જાદૂ;
મારે ચહેરે જગાવી દે ચમક.
એની જ ચર્ચા તો છે બધે;
ચાહે જમીન હો ચાહે ફલક.
એવું કેમ થયા રાખે દોસ્ત?
યાદ આવે પરદેશમાં મલક.
એવા રુદનની અસર પણ શું?
જ્યાં આંસુંમાં છે ઓછું નમક.
આગ તો લાગવાની જ હતી;
લોહ સાથે ઘસ્યું છે ચકમક.
રાહ- એ- ઇશ્ક આસાન નથી;
જવાનું હોય એમાં દિલ તલક.
દોસ્તો કરતાં તો દુશ્મનો સારા;
શિખવાડી જાય એ એક સબક.
લખે છે નટવર પણ એવું યાર;
લાગણી થાય છે છલક છલક.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું