છવાય રહ્યો છે રુઆબ ધીરે
ધીરે;
ને ઊઠી રહ્યો છે નકાબ
ધીરે ધીરે.
છે મજબૂત પહેરો તીક્ષ્ણ
કટકોનો;
ખીલી રહ્યું છે ગુલાબ ધીરે ધીરે.
ઘણી ભૂલો રહી
કારોબાર-ઇશ્કમાં;
કરી રહ્યો છું હું હિસાબ
ધીરે ધીરે.
ભલે બંધ હું રાખું આંખો
કે ખૂલી;
આવશે એમનું જ ખ્વાબ ધીરે
ધીરે.
જામ એમની નજરના છલકાયા
છે;
પી રહ્યો છું હું ય શબાબ
ધીરે ધીરે.
કોઈક એ સાંભળતું નથીને
સનમ?
આપશો તમે પણ જવાબ ધીરે
ધીરે.
અગાશીમાં ન જશો પૂનમની રાતે;
શરમાય જશે માહતાબ ધીરે ધીરે.
ખરી મજા જો લેવી હોય
પીવાની;
તો યાર, પીઓ શરાબ ધીરે ધીરે.
છું મુફલિસ, સાથ તમારો મળે તો;
થઈ જઈશ હું ય નવાબ ધીરે
ધીરે.
મને તમને ડુબાડીને જ રહેશે હવે;
મને તમને ડુબાડીને જ રહેશે હવે;
વહે છે આંસુનો સૈલાબ
ધીરે ધીરે.
ઇશ્કમાં એ હાલત થઈ ગઈ
મારી;
મળ્યો પાગલનો ખિતાબ ધીરે
ધીરે.
એક પછી એક શેર સૂઝે છે
નટવર;
થઈ જશે એની ય કિતાબ ધીરે
ધીરે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું