મારી પાસે ય ક્યાં કોઈ ઊકેલ છે?
મૌનનો અનુવાદ કરવો મુશ્કેલ છે.
દિલ હારીને બધું જ જીત જવાય;
ઇશ્ક એવો એક અજાયબ ખેલ છે.
ડાહ્યો ડમરો દેખાતો હોય ભલે એ;
હરેક શખ્સ અંદરથી એક છેલ છે.
એની આંખોમાં જોયું ને નશો થયો;
કદમ ડગ્યા,સૌ કહે મને પીધેલ
છે.
ગુનો એટલો જ કે પ્રેમ થઈ ગયો;
દિલમાં એમનાં આજીવન જેલ છે.
દિલ દિલ છે દર્દ દિલનું કોણ જાણે?
એમના કાજ દિલથી રમત ગેલ છે.
એમના ખયાલોમાં ખોવાયેલ રહું હું;
મિત્રો ભલે કહે, એ સાવ છટકેલ છે.
એમના ખયાલોમાં ખોવાયેલ રહું હું;
મિત્રો ભલે કહે, એ સાવ છટકેલ છે.
મને નથી ફિકરની આંધી તુફાનની?
રહેવા મારે સપનાનો એક મહેલ છે.
કંઈ નથી નટવરની કવિતા કવનો;
શબ્દો સૌ એને તો દેવના દીધેલ છે.
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું