હવા કામિયાબ છે;
ખુશબૂ બેનકાબ છે.
કોણે ચોરી ખુશબૂને?
શું એનો જવાબ છે?
ગણે છે એ લાગણીને;
સાવ ખોટો હિસાબ છે.
કંટકોનો સખત પહેરો ;
અને કેદમાં ગુલાબ છે.
આંખો જોઈ લથડ્યો;
શું એમાંય શરાબ છે?
ચાંદ પર છે વાદળ;
ચહેરા પર નકાબ છે.
જિંદગી વાંચી છે મેં;
એય એક કિતાબ છે.
બંધ હોય કે ખુલ્લી;
આંખોમાં ખ્વાબ છે.
છલકાય જાય હ્રદય;
ત્યાં એક સૈલાબ છે.
ઘાયલ કર્યો છે મને;
કાતિલ એ શબાબ છે.
ઇકરાર છે કે ઇનકાર?
બોલો, શું જવાબ છે?
શું કહેશો નટવરને?
એનો શું ખિતાબ છે?
ટિપ્પણીઓ નથી:
ટિપ્પણી પોસ્ટ કરો
આપના હર સુચનો, કોમેન્ટસ આવકાર્ય છે. આપનો એ બદલ આભારી છું